İsrail ordusunun işğal altındakı İordan çayının qərb sahilinin şimalına təşkil etdiyi hava hücumu nəticəsində həlak olan fələstinlilərin sayı 10-a çatıb.
Bu barədə Fələstin Səhiyyə Nazirliyi bəyanat yayıb.
Bəyanatda İsrail ordusunun Tubas şəhərinin Təmmun qəsəbəsinə təşkil etdiyi hava hücumunda 10 fələstinlinin həyatını itirdiyi bildirilib.
Nazirliyin açıqlamasında yaralıların sayı barədə məlumat verilməyib.
Fələstin Qızıl Aypara Cəmiyyəti daha əvvəl Təmmun şəhərinə təşkil edilən hücumda 7 nəfərin öldüyünü, 4 nəfərin isə ağır yaralandığını açıqlamışdı.
İsrail ordusu İordan çayının qərb sahilinin şimalındakı Təmmun qəsəbəsində silahlı qrupun hədəf alındığını irəli sürmüşdü.
