Avropa İttifaqı (Aİ) Rusiyaya qarşı sanksiyaları daha 6 ay uzatmaq niyyətindədir, Macarıstan isə bu məsələdə güzəştə gedəcək.
Bloomberg bu barədə mənbələrə istinadən məlumat yayıb.
“Məlumatlı mənbələrə görə, Avropa İttifaqı Ukrayna ilə münaqişəsinə görə Rusiyaya qarşı sanksiyaların uzadılmasına razılıq vermək niyyətindədir və Macarıstan bu addıma etirazını geri götürməyə hazırdır”, - materialda deyilir.
Agentliyin məlumatına görə, Budapeşt 2024-cü ilin dekabrından sanksiyaların uzadılması ilə bağlı qərarını təxirə salır. Bundan əvvəl Macarıstanın baş naziri Viktor Orban Aİ liderlərinə məhdudiyyətlərin uzadılmasına razılıq verib-verməmək barədə qərar verməzdən əvvəl ABŞ prezidenti Donald Trampın andiçmə mərasiminə qədər gözləmək istədiyini bildirmişdi . Orban həmçinin Aİ-ni Rusiya qazının Avropaya tranzitini bərpa etmək üçün Kiyevə təzyiq göstərməyə çağırıb.
