“Arsenal”ın baş məşqçisi Mikel Arteta İngiltərə Premyer Liqasının “İpsviç Taun”la 18-ci tur oyununda 1:0 hesablı ev qələbəsini şərh edib.
Arena.az “Arsenal”ın mətbuat xidmətinə istinadən, ispan mütəxəssisin bu barədə fikrini təqdim edir:
“Mən qələbədən, “quru” hesablı oyundan və oyunun əksər hissəsini necə keçirməyimizdən çox məmnunam. Bu, həqiqətən çətin rəqibdir. Biz o qədər çox oyun oynayırıq ki… Siz çox kiçik fərqlə qalib gələn komandaları görürsünüz. Biz bu gün fərqi daha da artıra bilərdik, amma bunu edə bilmədik. Bununla belə, biz son dəqiqələrdə zəifləmədik və gərəkli bölgələrdə yaxşı müdafiə olunduq, mən isə çox, çox məmnunam”, deyə Arteta vurğulayıb.
Premyer Liqanın 18 oyunundan 36 xalla “topçular” yarış cədvəlinin 2-ci pilləsində qərarlaşıblar. Autsayder “İpsviç Taun” isə 12 xalla sonuncudan əvvəlki – 19-cu pillədədir.
Premyer Liqaya 17 oyundan 42 xalla “Liverpul” başçılıq edir.
