ABŞ Konqresinin Nümayəndələr Palatası transgenderlərin qızların məktəb idman komandalarında iştirakını qadağan edən qanun layihəsini təsdiqləyib...
Poliqon xəbər verir ki, sənəd 206 əleyhinə olmaqla 218 səslə, iki demokrat konqresmenin respublikaçıları dəstəkləməsylə təsdiqlənib.
Qanun layihəsi bu komandalarda transseksualların daxil olduğu məktəbləri maliyyələşdirməkdən məhrum edir. Demokratlar bu təklifi tənqid edərək, bunu tələbələrin şəxsi həyatına müdaxilə adlandırıblar. Fikir ayrılığı qanunun necə həyata keçiriləcəyi ilə bağlı olub. Respublikaçılar tələbələrin doğum haqqında şəhadətnamələrinin yoxlanılmasını təklif edərkən, Demokratlar bunun “kiçik qızların cinsiyyət orqanlarının müayinəsinə” səbəb olacağını və bəzi doğum şəhadətnamələrində interseks uşaqların qeyd edildiyini iddia edirdilər.
Səsvermənin nəticələrini şərh edən konqresmen Qreq Stubi bildirib ki, bu təşəbbüs qadın idmançılar üçün “oyun sahəsini bərabərləşdirmək” məqsədi daşıyır. Stubi vurğulayıb ki, əksəriyyət kişilərin qadın idman növü ilə məşğul olmasını qəbuledilməz hesab edir.
2024-cü il dekabrın ortalarında ABŞ-ın yeni seçilmiş prezidenti Donald Tramp administrasiyası dövründə hökumətin yalnız iki cinsin: kişi və qadının tanınması ilə bağlı rəsmi siyasətə əməl edəcəyini açıqlayıb.
Poliqon.info
