İstanbulda bir gündə 11 nəfər saxta spirtli içkidən zəhərlənib. NTV telekanalı xəbər verir ki, zəhərlənmə ilə əlaqədar 38 nəfər həkimə müraciət edib, onlardan 26-sı əcnəbidir.
Bundan əvvəl Türkmənistanın 7 vətəndaşının saxta spirtli içkidən zəhərlənərək öldüyü bildirilmişdi, o cümlədən “qəsdən adam öldürməyə cəhd” maddəsi ilə cinayət işi açılıb, iki şübhəli şəxs həbs edilib. Televiziya şirkətinin məlumatına görə, onlar Türkmənistan vətəndaşlarıdır.
İstanbul rəsmiləri daha əvvəl bildirmişdilər ki, 1,5 ay ərzində şəhərdə 50-dən çox insan saxta spirtli içki qəbul edərək dünyasını dəyişib.
