1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-nin Beynəlxalq İnkişaf Agentliyində (USAID) böyük qalmaqal baş verib - təşkilatın 50-dən çox dövlət qulluqçusu təcili olaraq inzibati məzuniyyətə göndərilib.
Oxu.Az-ın məlumatına görə, bu barədə "NBC News" telekanalı bir vəzifəli şəxsə və USAID-in iki keçmiş əməkdaşına istinadən xəbər verib.
Bu radikal tədbirlərin səbəbi "prezidentin icra fərmanlarının pozulması" şübhələridir.
"Biz USAID-də prezidentin icra fərmanlarının yerinə yetirilməsindən yayınmağa yönəlmiş bir sıra hərəkətlər qeydə almışıq. Bununla əlaqədar olaraq, bu hərəkətlərin yoxlanılması başa çatanadək, USAID-in bir sıra əməkdaşlarını tam əmək haqqı və güzəştlər saxlanılmaqla növbəti bildirişə qədər məcburi məzuniyyətə göndərmək qərarına gəldik", - deyə USAID-in hazırkı rəhbəri Ceyson Qrey bəyan edib.
Telekanalın məlumatına görə, USAID əməkdaşlarına bu qərar barədə bazar ertəsi gecə saatlarında məlumat verilib.
USAID - ABŞ-nin digər ölkələrə qeyri-hərbi yardım göstərən əsas hökumət agentliyidir. Onun illik büdcəsi təxminən 27 milyard dollar təşkil edir.
