UEFA Avropa Liqasının əsas mərhələsinin VIII turunda "Qarabağ"ın Yunanıstanda qarşılaşacağı “Olimpiakos” klubu 3 futbolçu transfer edib.
"Unikal" xəbər verir ki, komanda Andre Orta, Bruno Onemaeçi və Cefte Betankorenu heyətinə qatıb. Pirey təmsilçisi komandaya daha iki oyunçu cəlb etməyi planlaşdırır. Klub Portuqaliya çempionatında çıxış edən “Sportinq”in hücumçusu Markus Edvards və “Portu”nun yarımmüdafiəçisi İvan Xayme ilə maraqlanır.
Qeyd edək ki, "Qarabağ" “Olimpiakos”la yanvarın 31-də üz-üzə gələcək. Görüş Bakı vaxtı ilə saat 00:00-da başlayacaq.
