“Yaxşı fiziki formada olan insanların xərçəngdən sağalma şansı daha yüksəkdir”
Medianews.az xarici mediaya istinadən xəbər verir ki, bunu endokrinoloq Zuhra Pavlova deyib.
Müxtəlif növ xərçəngi olan 47.000 xəstənin məlumatlarını təhlil edən araşdırma, yaxşı fiziki vəziyyətdə olan xərçəng xəstələrinin ölüm nisbətinin 31-46 faiz aşağı olduğunu göstərib. Üstəlik, mütəxəssisin fikrincə, ölüm riski əzələ gücünün hər bir artması ilə daha 11 faiz, fiziki hazırlıq səviyyəsinin hər artması ilə isə 18 faiz azalıb.
Endokrinoloq onu da qeyd edib ki, bu nümunə hətta üçüncü və dördüncü mərhələnin inkişaf etmiş xərçəngi olan insanlara da aiddir. “Xərçəngli xəstələrdə əzələ gücünü və kardiorespirator dözümlülüyü artırmaq üçün xüsusi məşqlər onların sağ qalma şanslarını artıra bilər”, – deyə həkim bildirib.
