“Meta” şirkəti bu il süni intellekt sahəsinə 60-65 milyard dollar sərmayə qoyacaq.
Publika.az xəbər verir ki, bu barədə şirkətin baş icraçı direktoru Mark Zukerberq sosial şəbəkədə məlumat paylaşıb.
O, 2025-ci ilin süni intellekt sahəsində həlledici il olacağını bildirib. M.Zukerberq əlavə edib ki, süni intellekt sahəsində çalışacaq qrupların sayı da əhəmiyyətli dərəcədə artacaq.
Şirkət rəhbərinin sözlərinə görə, 2025-ci ildə “Meta” süni intellekt sahəsində 1 milyarddan çox insana xidmət göstərəcək və “Llama 4” qabaqcıl müasir modelə çevriləcək.
