“Əl-Hilal” İngiltərə klubu ilə müqaviləsi 2025-ci ilin yayında başa çatacaq “Liverpul”un 32 yaşlı cinah oyunçusu Məhəmməd Salah üçün böyük təklif hazırlamaq mərhələsindədir.
Yeniavaz.com xəbər verir ki, bu barədə jurnalist Nikolo Skira “X” sosial şəbəkə hesabında məlumat verib.
Mənbənin məlumatına görə, Səudiyyə klubu misirli futbolçuya 2028-ci ilə qədər əmək müqaviləsi təklif etmək niyyətindədir.
Qeyd edək ki, bu mövsüm Salah bütün turnirlərdə 31 matçda iştirak edib, 22 qol vurub, 17 məhsuldar ötürmə edib.
