Anrini arxada qoydu

Premyer-liqanın “İpsviç” ilə oyunu Məhəmməd Salah üçün əlamətdar olub.

O, komandasının 4:1 hesablı qələbəsində bir qolla rol oynayıb. Misirli hücumçu premyer-liqadakı qollarının sayını 176-ya çatdırıb. Məhəmməd fransalı Terri Anrini arxada qoyaraq liqanın ən yaxşı bombardirlərinin siyahısında 7-ci yerin yeganə sahibi olub.

O, bombardirlərin siyahısında əvvəlki kimi Alan Şirer (260), Harri Keyn (213), Ueyn Runi (208), Endi Koul (187), Serxio Aquero (184) və Frenk Lemparddan (177) geri qalır.