Xırdalanda "Kristal Abşeron 1" yaşayış kompleksində olan binaların birində yanğın qısa vaxtda məhdudlaşdırılıb.
Bu barədə "Operativ Məlumat Mərkəzi-OMM"-in sorğusuna FHN-in mətbuat xidmətindən məlumat verilib.
Qeyd olunub ki, yaşayış binasında baş verən yanğın qısa müddətdə məhdudlaşdırılıb, ətrafa yayılmasının qarşısı alınıb.
***
Xırdalanda "Kristal Abşeron 1" yaşayış kompleksində olan binaların birində yanğın başlayıb.
"Operativ Məlumat Mərkəzi-OMM"-in xəbərinə görə, əraziyə Fövqəladə Hallar Nazirliyinin yanğınsöndürənləri cəlb olunub. Hazırda yanğının söndürülməsi istiqamətində işlər aparılır.
FHN-in mətbuat xidmətindən "Operativ Məlumat Mərkəzi-OMM"-in sorğusuna cavab olaraq bildirilib ki, nazirliyin 112-i qaynar xəttinə Abşeron rayonu, Xırdalan şəhərində yanğın baş verməsi ilə əlaqədar məlumat daxil olub:
"Dərhal əraziyə nazirliyin Dövlət Yanğından Mühafizə və Xüsusi Riskli Xilasetmə xidmətlərinin əməkdaşları və texnikası cəlb olunub. Hazırda ərazidə yanğının söndürülməsi istiqamətində işlər aparılır. Əlavə məlumat veriləcək".
