Azərbaycan Silahlı Qüvvələrinin baş leytenantı olan Məmməd Cahangir oğlu Əliyev 28 yanvar 1993-cü il tarixində Gədəbəy rayonunun Novoivanovka kəndində anadan olub.
QHT.az xəbər verir ki, o, 2020-ci ilin 27 sentyabrında başlanan Vətən müharibəsi zamanı Kəlbəcər istiqamətində gedən döyüşlərdə könüllü olaraq iştirak edib və 2 oktyabr tarixində döyüş tapşırığını yerinə yetirərkən qəhrəmancasına şəhid olub. 17 dekabr 2020-ci ildə Novoivanovka kənd qəbiristanlığında dəfn olunub.
Məmməd Əliyev göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra “Vətən uğrunda", "Kəlbəcərin azad olunmasına görə" medalları və 3-cü dərəcəli "Rəşadət" ordeni ilə təltif edilib.
Ruhu şad olsun!
