Qətər İsrail və HƏMAS arasında Qəzzada atəşkəs və əsir mübadiləsinə dair razılığın əldə edildiyini açıqlayıb və bu razılaşma gələn bazar günü qüvvəyə minəcək. Məlumatı “Anadoıu” verib.
Türkiyə Prezidenti Rəcəb Tayyib Ərdoğan Qəzzada atəşkəslə bağlı razılaşma xəbərinə münasibət bildirərək qeyd edib ki, Ankara HƏMAS və İsrail arasında atəşkəs danışıqlarının müsbət nəticəsindən məmnundur.
Türkiyə prezidenti qeyd edib ki, Ankara Fələstinin HƏMAS müqavimət hərəkatı ilə İsrail arasında atəşkəs danışıqlarının başa çatmasını və razılığın əldə olunmasını alqışlayır: “Ümid edirik ki, bu razılaşma fələstinlilər, bölgəmiz və bütün bəşəriyyət üçün davamlı sülh və sabitliyə qapı açacaq”.
Ərdoğan vurğulayıb ki, “Türkiyə Qəzza xalqını dəstəkləməyə davam edəcək və Qəzzanın yaralarının sağalması və ayağa qalxması üçün bütün qüvvələri səfərbər edəcək”.
P.ƏMİRCANOV
XQ
