Futbol Veteranları İttifaqı Tofiq Bəhramovun 100 illiyinə həsr olunan iki tədbir keçirəcək.
Bu barədə İdman.biz-ə məlumatı qurumun rəhbəri Oqtay Abdullayev verib.
Onun sözlərinə görə, Gənclər və İdman Nazirliyinin dəstəyi ilə jurnalistlərlə veteran futbolçular arasında oyun keçiriləcək. İttifaqın təşkilatçılığı ilə digər bir turnir isə Şamaxıda baş tutacaq: “Jurnalistlərlə veteranlar arasında matçın bu günlərdə Bakıda keçirilməsi planlaşdırılır. Digər bir tədbirin isə Şamaxıda keçirilməsi nəzərdə tutulub. Yanvarın 31-də baş tutacaq turnir Veteranlar İttifaqının təşəbbüsü ilə keçirilir. Mini futbol turnirində 40 nəfərin iştirakı gözlənilir. Şamaxıda "Neftçi", "Sumqayıt", Milli və Quba olmaqla dörd komanda iştirak edəcək”.
Qeyd edək ki, 1925-ci il yanvarın 29-da doğulan Tofiq Bəhramov 1993-cü il martın 26-da dünyasını dəyişib.
Aytac Sahəd
İdman.biz
