Ottava Vaşinqtona xəbərdarlıq edib

AzVision.az xəbər verir ki, Kanadanın Xarici İşlər naziri Melani Joli “Fnancial Times (FT)” nəşrinə müsahibəsində belə deyib.

“Biz nefti endirimlə tədarük edirik və o, sonda Texasda təmizlənir. Biz bunu etməsək, Venesuela edəсək. Başqa variant yoxdur, ABŞ-nin bu administrasiyası isə Venesuela ilə işləmək istəmir”, - xanım Joli vurğualyıb.

Onun fikrincə, Kanada idxalına 25 faizlik tariflərin tətbiqi adi insanlara zərbə vuracaq, çünki Kanada ilə ABŞ arasındakı münasibətlər“ticarət müharibəsinə”çevrilə bilər. Melani Joli, həmçinin Donald Trampın Kanadanın ABŞ-yə birləşdirilməsi ideyasını da tənqid edib:“Biz həqiqətən yaxşı dost ola bilərik, lakin biz heç vaxt ştatlardan birinə və ya müstəmləkəyə çevrilməyəcəyik və nöqtə”.

Kanada ABŞ-la ticarət “savaşı”na hazırlaşır

Daha əvvəl ABŞ prezidenti Donald Tramp Kanada neftinə tariflərin artırılması ilə bağlı hələ qərar vermədiyini bildirsə də, Kanada və Meksikadan idxal edilən mallara rüsumların 25%-ə qaldırılmasının şənbə günü qüvvəyə minəcəyini təsdiqləyib. Tramp bildirib ki, onun qərarı Kanada və Meksikanın ABŞ-yə satdıqları neftə qoyduqları qiymətlərin ədalətli olub-olmamasına əsaslanacaq.

“FT” qəzeti, öz növbəsində, bildirir ki, ABŞ-ninneft emalı zavodlarının çoxu ölkənin özündə istehsalolunan daha yüngül növlərdən yox, Kanadada hasil edilən ağır neftdən “asılıdır”. Ağır neft isəVenesuelada da istehsal olunur.

Sahil İsgəndərov
AzVision.az