Mark Zukerberqə məxsus Meta şirkəti Trampın 2021-ci ildə hesablarının bloklanması üçün şirkətə qarşı qaldırdığı məhkəmə iddiası ilə əlaqədar ABŞ prezidenti Donald Trampa 25 milyon dollar ödəyəcək.
Vətəninfo.az xəbər verir ki , bu barədə NBC News məlumat yayıb. Facebook və Instagram-ın ana şirkəti olan Meta-nın sözçüsü Endi Stoun bildirib ki, şirkət 25 milyon dollar ödəyəcək, bunun 22 milyon dolları Trampın Prezident Kitabxanası Fonduna, qalanı isə məhkəmə xərclərinə və iş üzrə digər iddiaçılara xərclənəcək. Stoun bildirib ki, tərəflər arasında razılaşma Metanın səhvi etiraf etməsini tələb etmir. Ağ Ev bu məlumatı şərh etməkdən imtina edib.Trampın hesabları Meta tərəfindən bloklanıb, çünki şirkət onun 2021-ci il yanvarın 6-da Kapitoliyada baş verən iğtişaşlarla bağlı açıqlamalarını təhlükəli hesab edib.
Meta Trampın prezident seçkilərindəki qələbəsindən sonra onun iddiasını ödəyən ikinci böyük şirkətdir. 2024-cü ildə Dekabr ayında ABC telekanalı Trampın aparıcı Corc Stefanopulosun onu böhtan atdığını iddia etdiyi mübahisəni həll etmək üçün 15 milyon dollar ödəyəcəyini açıqlamışdı.Mark Zukerberq 2024-cü il seçkilərində qalib gəldiyi gündən Trampla yaxşı münasibətlər saxlamağa çalışır. O, kabinet üzvlərinin yanında oturarkən qatıldığı Trump-ın andiçmə mərasiminə 1 milyon dollar bağışladı.
